Carnet da sanadad per l'uffant

Quest carnet da sanadad è concepì da medias e medis d’uffants svizzers cun agid da l’Associaziun svizra da las cussegliadras da mammas e duai gidar als geniturs da prender sezs mesiras simplas e raschunaivlas per la sanadad da lur uffant, d’observar bain il svilup da lur uffant e da nudar il particular, da far diever da las consultaziuns preventivas proponidas e da laschar far, suenter avair consultà il medi, las vaccinaziuns preventivas recumandadas. Sch’ins mida domicil, dat il carnet al nov medi/a la nova cussegliadra da mammas ina buna survista. El po remplazzar il questiunari per l’emprima controlla dal medi da scola.