Vichipedia

Vichipedia è in'enciclopedia che vegn betg redigida d'ina redacziun fixa, mabain d'auturas ed auturs voluntaris. Il pled Vichipedia sa cumpona dal pled «wiki», il pled hawaian per spert, e da la finiziun dal pled «enciclopedia». In wiki è ina website nua che mintgin po midar spert e senza grondas experientschas tecnicas il cuntegn. La pagina rumantscha da Vichipedia è be ina da fitg bleras ediziuns da Vichipedia. Las duas grondas èn l'englaisa cun varga 1'000'000 artitgels e la tudestga cun circa 400'000 artitgels. Cuntrari ad enciclopedias convenziunalas èn ils cuntegns da la Vichipedia libers e gratuits.