Il conflict en Siria

L'onn 1970 ha Hafis al-Assad (1930–2000), pilot alauì da l’aviatica militar siriana, fatg in putsch; el è vegnì elegì president il 1971 e reelegì ils onns 1978, 1985 e 1991. L’onn 2000 ha ses figl Baschir al-Assad surpiglià la presidenza da la Siria. El n’ha betg midà essenzialmain l’orientaziun politica dal pajais. Dapi il mars 2011 cumpiglia l’unda da protest en il mund arab era la Siria. L’emprim èn las protestas vegnidas da la populaziun rurala e dals foburgs paupers da Damascus. Dapi lura èn las revolatas sa derasadas en l'entir pajais.