Commerzi da laina

Fin lunsch viaden il 19avel tschientaner ha enconuschì l'economia forestala grischuna, sper la cultivaziun dals guauds serrads, sulettamain l'explotaziun da rapina en regiuns bain accessiblas. A partir dal 1824 ha il chantun empruvà da diriger il tagl da laina tras dazis d'export sin laina, charvun da lain e scorsa, ma pir la lescha forestala chantunala dal 1851 e quella federala dal 1876 han terminà l'explotaziun arbitrara dals guauds en favur d'ina explotaziun ecologicamain raschunaivla. Suenter il 1950 è il commerzi da laina daventà main impurtant, perquai ch'ils pretschs na cuvrivan betg pli la lavur e perquai ch'il maun public stueva sustegnair il commerzi cun subsidis. [Tenor e-lir].

(Foto: Barbara Eckholdt / pixelio)