Fugitivas e fugitivs en scola

Durant l’instrucziun da gimnastica sa zuppa in giuvenil tuttenina sbragind en il local d’urdains. – Suenter ch’in mat ha savì far in di senza problems ils quints declerads, para el d’avair emblidà tut il di suenter. – In uffant fugitiv plunta in auter uffant da la medema vegliadetgna senza in motiv constatabel d’ordaifer. Tge è capità en tals cas? E co reagir sin in tal cumportament? Ina broschura realisada dal Servetsch psicologic da scola dal Grischun en collavuraziun cun persunas dal fatg duai dar respostas curtas e concretas sin talas dumondas.

(Foto: PD via Wikimedia Commons)