Exchavaziuns exequidas tranter il 1931 ed il 1936 han purtà a la glisch ils fundaments dal cumplex. In mir da tschinta suandava l'ur dal grip e circumdava in areal sacral (baselgia ed annexa), in palaz fortifitgà ed ina tur imposanta. Al sid ed al sidost da la fortezza sa chattavan ulteriurs edifizis. Tenor inqual publicaziun è la baselgia da S. Barcazi vegnida erigida tranter il temp meroving tardiv ed il temp carolingic, ma probablamain è ella pli giuvna. La tur datescha dal 12avel tschientaner, entant ch'il palaz fortifitgà a l'ur nord da l'areal appartegna als edifizis construids enturn il 1300 ed era abità fin viaden en il 15avel tschientaner. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
