Pro Natura Grischun

La Pro Natura Grischun è vegnida fundada 1965 sut il num Lia grischuna per la protecziun da la natira (fin il 1997). Finamiras: promover la protecziun da la natira e da la cuntrada, impedir il donnegiament da bains natirals e zavrar territoris sut protecziun da la natira. La PNG gida ad inventarisar las cuntradas d'impurtanza naziunala. Dapi il 1975 è la LGPN s'engaschada fermamain per la protecziun da las auas. La PNG tgira actualmain 100 territoris ed objects mess sut protecziun da la natira e sa participescha a grondas revitalisaziuns dad auas, a concepts da svilup da cuntradas ed a la realisaziun da parcs natirals. [Tenor e-lir].