El Greco

Domenicos Teotocopulos, numnà El Greco (1541–1614), è naschì a Creta ch'era da lez temp en possess venezian. Sia carriera artistica ha’l entschet sco pictur d’iconas. Il giuven Cretais è lur ì a sa scolar en l’Italia, lezza giada patria dals arts: 1566 a Vaniescha, 1570 a Roma. 1577 è el arrivà en Spagna, a Toledo, nua ch'ins po admirar blers da ses maletgs. Ils cuntrasts da colur, sco er quels tranter cler e stgir, ils chaus pitschens e las figuras stendidas ed agilas caracteriseschan il stil unic d’El Greco. [Tenor LQ].