Corin Curschellas: Grischunit

Suenter 11 onns ha la chantadura grischuna registrà ses segund album da chanzuns rumantschas. Er quella giada sa basa ella sin texts da scrivents rumantschs, da Pader Alexander Lozza enfin Arno Camenisch, e sa lascha inspirar da veglias melodias. Il disc cumpact cuntegna tocs en sursilvan, surmiran, vallader e quatter en rumantsch grischun (olma da vali; o funtaunas; ina buna per tai; na per star).