Uffants en l'auto

Senza dubi po in accident chaschunar grevs donns ad in uffant che n'è betg segirà correctamain. Uschia è il privel da vegnir blessà grevamain u mortalmain set giadas pli grond per in uffant betg segirà. En cas d'accidents vegnan ils uffants catapultads tras il vehichel e siglian cun ina vehemenza enorma cunter il sez, cunter il levagl, cunter l'armatura u cunter la fanestra. Il Cussegl federal ha concludì novas mesiras per promover la segirezza dal traffic. En autos privats ston uffants sut 12 onns seser a partir da l'avrigl 2010 en indrizs da retegn spezials.