Portal da medias audiovisualas

La conservaziun e la tgira dal patrimoni e da la memoria culturala na sa restrenscha betg mo a las archivalias generalmain enconuschentas sco cudeschs e scrittiras, mabain cumpiglia er documents da film e da tun. Per quest intent ha la Biblioteca chantunala dal Grischun mess ad ir il 2013 mesiras immediatas cun las suandantas finamiras: registrar ils purtaders da films e da tuns d’ina relevanza istorica, segirar ils documents tut tenor il grad da periclitaziun, cataloghisar quels e render accessiblas las infurmaziuns respectivas en in catalog online (av-medienportal.gr.ch).