Cuort (Meierhof)

Cuort (tudestg Meierhof) furma il center administrativ da la Sursaissa. L'onn 765 ha l'uvestg Tello testamentà sia curtis supersaxum a la claustra da Mustér. Dal 13avel tschientaner fin il 1497 ha questa curt gronda fatg part dal signuradi da Razén, alura da la Chasa d'Austria (Habsburg) ch'ha pers il 1819 ils davos dretgs feudals. Cuort exequiva sez la dretgira civila. A partir d'enturn 1200 ha l'abazia da Mustér domicilià Gualsers a Sursaissa ch'han germanisà Cuort entaifer pauc temp. [Tenor e-lir].

(Foto: Andreas Faessler / CC BY-SA 3.0)