General Henri Guisan

Il general Henri Guisan è sta il manader da l'armada svizra durant la Segunda Guerra mundiala e valeva sco simbol da la resistenza svizra. Durant il temp da guerra saveva il general adina puspè far curaschi a la schuldada ed a la populaziun svizra, per exempel ils 25 da fanadur 1940 cun ses rapport sin il Rütli nua che Guisan ha declerà la strategia dal «Reduit». Las prestaziuns dal general vegnivan valitadas sco bunamain infalliblas ed el vegniva venerà fitg. Suenter sia mort ils 7 d'avrigl 1960 han 300'000 persunas assistì a Losanna al pli grond funeral en l'istorgia svizra. Quest dossier preschenta la vita e carriera da Henri Guisan ed analisas da sia rolla durant la Segunda Guerra mundiala.