Il schember

Il schember crescha, ensemen cun il laresch, fin al cunfin dal guaud. L’enviern supporta il schember temperaturas da fin a –40°C. Tar il schember furman tschintg guglias lungas e lomas in tschof. Circa mintga diesch onns portan blers schembers a medem temp grondas betschlas pesantas che savuran da rascha. Tranteren furman els era singulas betschlas pli pitschnas. Per lur derasaziun han ils schembers ina partenaria: la cratschla zuppa nuschpigna sco provisiun d’enviern. Ils schembers dovran per schermigliar in terratsch cun bler umus. Las nuschpigna zuppadas da la cratschla 3 fin 5 cm en la terra han cundiziuns idealas per schermigliar. [Tenor PNS].

(Foto: Terra3 / CC BY-SA 3.0)