«Regulaziun e tgira»

Mintg’onn il pli tard il settember tschiffan blers Grischuns e Grischunas la fevra da chatscha. Il sistem grischun pussibilitescha ina chatscha publica ed uschia sa participescha ina gronda part da la populaziun, era betg chatschaders, a quest fenomen. La chatscha sveglia sentiments profunds e probablamain era fitg originars. Questa preschentaziun dat ina survista dals differents aspects da la chatscha.