Cun sia verscha blaua, las vistas alvas, il dies blau cler e la vart sut melna è il maset blau in utschè che dat en egl malgrà ch’el è pitschen, perquai che quella cumbinaziun da colurs è unica en il mund d’utschels indigen. Il maset blau preferescha guauds clers da plantas cun feglia; el ha main gugent plantas da guglias, perquai che ses pichel è memia curt e gross per pudair piclar larvas ed ovs d’insects tranter las guglias ora. Sia statura pitschna al permetta da tschertgar pavel er sin roms satigls. Lieu da far gnieu e vusch èn sumegliants a quels dal maset grond. Sias bellas plimas da colur e ses temperament viv fan ch’il maset blau è in dals utschels ils pli bainvis vi da l’aissa da pavlar.
(Foto: Color line / CC BY-SA 2.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
