Cumbat cultural

Analog al svilup en autras regiuns, ha er il Grischun vis a sa furmar en il decurs da la segunda mesadad dal 19avel tschientaner in milieu catolic serrà. Quel sa drizzava cunter la pussanza politica dal liberalissem e l’avanzament d’ideas modernisticas en cultura e societad. Dirigida da la Baselgia ed applitgond structuras tuttavia modernas (uniuns ed associaziuns), ha questa subcultura confessiunala pudì sa mantegnair fin ils onns 1960.