Istorgia dal tartuffel

Il tartuffel vegn oriundamain da l’America dal Sid, nua ch’ins al chatta anc oz sco planta selvadia. Il pievel dals Incas cultivava il tartuffel ditg avant ch’ils Europeans han scuvert il nov continent. En il 16avel tschientaner han ils conquistaders purtà a chasa ils emprims tartuffels. La valur dal tartuffel per il nutriment uman n’han ins dentant betg realisà immediat en Europa. Il tartuffel era plitost ina curiusitad en ierts botanics. Quai è sa midà pir il 18avel tschientaner ed il tartuffel è spert daventà ina da las pli impurtantas plantas per il nutriment dals umans.