Dapli infurmaziuns...

La Pro Grigioni Italiano (PGI) è in’associaziun che promova la lingua taliana e la cultura da las quatter vals italofonas dal chantun Grischun (la Mesolcina, la Calanca, la Bregaglia ed il Puschlav). Sias finamiras ed activitads èn cumparegliablas cun quellas da la Lia Rumantscha u da la Walservereinigung. Las activitads multifaras da la PGI cumpiglian per exempel concerts, represchentaziuns da teater, exposiziuns, conferenzas, publicaziuns, perscrutaziuns, concurrenzas per la giuventetgna, stipendis, curs, projects da scola e debattas. La Pro Grigioni Italiano promova era projects da perscrutaziun istorica e scientifica ed ils museums da la regiun.