Ferdinand Hodler (1853-1918)

Ferdinand Hodler è naschì a Berna ed ha pli tard vivì e lavurà a Genevra. Il 1891 hai dà in scandal pervi da si’ovra «Die Nacht» ed il 1897 schizunt ina guerra d’art pervi da ses maletg da paraid «Marignano». Hodler ha gì ses emprims gronds success a Paris ed a Vienna. Grazia a la fin da la dispita pervi dals frescos da Marignano e grazia al renum internaziunal ha la Svizra cumenzà plaunet a vesair en la pictura da Hodler la realisaziun dal siemi d’in stil naziunal.