Tamins

Tumein (Tamins) è in vitg accumulà al nord da la confluenza dal Rain Posteriur e dal Rain Anteriur. Il vitg sa chatta al pe dal Pass dal Cunclas che vegniva probablamain gia utilisà dals Romans. L'aclaun ed il chastè da La Punt/Rehanau appartegnan dapi il 1803 medemamain a Tumein. Il 1799 han ils Franzos mess en tschendra l'entir vitg da Tumein, cun excepziun da la baselgia. In ulteriur incendi ha destruì il 1905 in quart da la vischnanca. Il transport cun punteras da La Punt/Rehanau fin al Lai da Constanza è stà ina funtauna da gudogn impurtanta fin la mesadad dal 19avel tschientaner. [Tenor e-lir].

(Foto: Paebi / CC BY-SA 3.0)