Violenza a chasa

Sco persuna d'instrucziun pudais Vus esser confruntada en diversas modas cun la violenza a chasa. Saja quai che Vus retschaivias indicaziuns concretas or da l'ambient dals uffants ch'èn confidads a Vus. Saja quai che Vus vegnias a savair da quai directamain en in discurs cun ina scolara, cun in scolar u cun in genitur. U saja quai che Vus sezs hajas suspects u in nausch sentiment. Vus stuais respunder la dumonda, schebain Vus duais agir e co che Vus duais agir. En questa broschura survegnis Vus tips pratics, infurmaziuns davart la legislaziun e davart servetschs da cussegliaziun spezialisads. Ella As duai encuraschar da trair a niz Vossas pussaivladads d'agir.