Razén

Il vitg da Razén (Rhäzüns) giascha lung la via en la planira tranter Panaduz e Giuvaulta. En il temp autmedieval ed en il temp medieval tardiv ha appartegnì la vischnanca al signuradi da Razén. Suenter la mort da Gieri, il davos represchentant dals baruns de Razén, è quest signuradi passà als conts von Zollern, il 1497 a Maximilian I (Habsburg-Austria). Il 1819 è passà il signuradi al chantun Grischun. La vischnanca da Razén sa chattava a ses temps ad in spartavias impurtant sco era ad ina via da transit nord-sid (La Punt/Rehanau). A l'entschatta dal 20avel tschientaner han plirs incendis destruì il vitg originar. Dapi il 1850 vegn utilisada la funtauna d'aua minerala da Razén. [Tenor e-lir].

(Foto: Adrian Michael / CC BY-SA 3.0)