Las cunvegnas bilateralas

Fin l’onn 1999 ha concludì la Svizra set cunvegnas bilateralas cun l’Uniun europeica (UE). Questas cunvegnas e las tractativas precedentas han leventà ferventas discussiuns. Cun la broschura «Ils effects da las cunvegnas bilateralas» less il cussegl federal preschentar a moda fitg concreta ils cuntegns essenzials e las consequenzas da questa avischinaziun a l’UE. Or dal cuntegn: Libra circulaziun da persunas, Traffic terrester, Traffic aviatic, Perscrutaziun, Commerzi cun products agriculs, Acquisiziuns publicas, Barrieras tecnicas per il commerzi.