Sper il vitg sco tal sa chattan il pitschen abitadi da Preda e las duas culegnas da Latsch (fusiun il 1912) e Stugl (fusiun il 1920). Il traffic sur l'Alvra ha obtegnì dapli impurtanza suenter ch'ins ha perfurà il Crap Bravuogn (1696) e realisà la via moderna sur il pass (1865). Quai declera l'orientaziun vers l'Engiadina. La Viafier da l'Alvra (1903) ha promovì il turissem che profitescha da la via da scarsolar e dals implants da skis, construids suenter il 1959. La part da la populaziun da lingua rumantscha è sa diminuida fermamain. Il 2018 ha Bravuogn fusiunà cun Filisur a la vischnanca da Bravuogn Filisur. [Tenor e-lir].

(Foto: Adrian Michael / CC BY-SA 3.0)