L'Organisaziun da las Naziuns unidas (ONU) è in'uniun interguvernamentala da 192 stadis e sco organisaziun internaziunala in subject da dretg internaziunal renconuschì illimitadamain. L'ONU è vegnida fundada l'onn 1945 a San Francisco sco organisaziun successura da la Societad da las naziuns (1920-1938). Las incumbensas las pli impurtantas da l'organisaziun èn il mantegniment da la pasch mundiala, l’observaziun dal dretg internaziunal, la protecziun dals dretgs umans e la promoziun da la collavuraziun internaziunala. Ils texts en agiunta preschentan l'istorgia, la charta ed ils singuls gremis l'ONU.