Il pass ha d'engraziar sia impurtanza economica al fatg ch'el era, fin l'avertura da la Viafier da la Val dal Rain (1858), la suletta colliaziun charrabla tranter il Grischun, il Vorarlberg ed il sid da la Germania (uschenumnada Via tudestga, renovada il 1783/85). El steva perquai savens en il center da cumbats militars, ed ils edifizis èn vegnids destruids pliras giadas (1499, 1620-22 e 1799). En l'arsenal da la plazza d'armas sa chatta dapi il 2004 in museum militar cun exponats davart il train e l'istorgia dal pass. [Tenor e-lir].

(Foto: Paebi / CC BY-SA 4.0 / cropped)