La Revoluziun franzosa (1789 fin 1799) è in dals eveniments cun enormas consequenzas en l'istorgia dal temp modern europeic. L'aboliziun dal stadi corporativ da l'absolutissem feudal, sco era la propagaziun e transfurmaziun da valurs ed ideas fundamentalas da l'illuminissem eran finamiras da la revoluziun franzosa. Concernent ils dretgs da l'uman eran questas finamiras il motor per midadas sociopoliticas e midadas da la pussanza politica en tut l'Europa ed han influenzà la chapientscha moderna da la democrazia decisivamain. [Tenor Vichipedia].