Cun il term Revoluziun tudestga dal 1848/49 vegnan designads ils eveniments revoluziunars ch’han gì lieu tranter il mars 1848 ed il fanadur 1849 en la Confederaziun tudestga. Per l’emprima fasa da la revoluziun l’onn 1848 vegn er duvrà il term ‹Revoluziun da mars›. Da las sullevaziuns èn er stadas pertutgadas provinzas e pajais ordaifer il territori da la Confederaziun che stevan sut la pussanza da l’Austria e Prussia sco stadis federativs ils pli pussants, per exempel l’Ungaria, l’Italia Superiura u Posen. [Tenor Vichipedia].

(Foto: PD via Wikimedia Commons)