L'archiv da maletgs grischun da la Fundaziun Capauliana a Cuira cumpiglia ina collecziun multifara da Duri Capaul (1923-2009), in advocat naschì a Lumbrein, da var 30 000 ovras e documents istoric-culturals d'artists grischuns per part enconuschents. Da vesair èn cuntradas, edifizis, schabetgs istorics, purtrets e scenas dal mintgadi da differentas epocas. Perquai s'adatta l'archiv da maletgs en spezial per studis cumparativs davart la midada d'abitadis e davart il svilup dal traffic, da la tecnica e dal turissem. [Tenor Museums grischuns].