Il museum claustral a Mustér mussa las dimensiuns da l'istorgia natirala e culturala da la Surselva. L'accent vegn mess sin l'istorgia da l'abazia ch'è circa 1300 onns veglia. Illustrada vegn quella cun numerus exponats che tanschan dal temp medieval tempriv fin al temp modern. D'ina impurtanza particulara èn utensils liturgics, vestgids e statuas, dals quals ils emprims dateschan da l'emprima part dal 13avel tschientaner. La partiziun d'istorgia natirala dat ina survista geologica da la regiun e mussa minerals e cristals da la Surselva. [Tenor Museums grischuns].

(Foto: Adrian Michael / CC BY-SA 3.0)