Il Museum regiunal Valragn Spleia mussa co ch'il vitg da Spleia è daventà bainstant grazia als transports da rauba sur ils pass dal San Bernardin e dal Spleia, dentant era co ch'il vitg è vegnì devastà pliras giadas da truppas austriacas e franzosas. Tematisà vegn cunzunt il mintgadi istoric ch'era caracterisà durant tschientaners da l'agricultura e dal traffic da sauma sur ils pass. Preschentads vegnan dentant era giasts enconuschents chhan pernottà a Spleia durant il 19avel tschientaner sin lur viadis da furmaziun tras l'Europa ch'eran obligats da quel temp. [Tenor Museums grischuns].