Il museum da viafier Alvra permetta da far experientschas multimedialas areguard l'istorgia ed areguard il preschent dal traject da viafier legendar tranter Tusaun e Samedan ch'è ina part dal patrimoni mundial da l'UNESCO «Viafier retica en la cuntrada da Alvra/Bernina». Sin ina surfatscha da passa 1300 meters quadrat vegnan inscenads temas sco la construcziun ed il manaschi da la viafier cun agid d'installaziuns interactivas, da locals da suns e da simulaturs en in veritabel mund d'aventuras. Entaifer quest mund d'aventuras vegnan preschentads var 600 objects originals. [Tenor Museums grischuns].

(Foto: Noramagdalena / CC BY-SA 3.0)