A Vicosoprano è sa mantegnì – cun l'unica tur radunda che exista anc en il Grischun – ina sedia da dretgira che serviva a medem mument sco lieu da dazi e sco lieu da process cunter strias. Quai vegn tematisà en visitas guidadas che duran dapli che in'ura e che mainan tras ils conturns e tras il Pretorio sez. Quel è vegnì equipà l'onn 1592 cun ina chombra da tortura, cun ina praschun e cun in pal da la vargugna. Tematisadas vegnan era l'impurtanza e l'istorgia dals pass dal Set e dal Malögia. En il Pretorio èn vegnids incassads ils dazis dals transports da rauba. [Tenor Museums grischuns].

(Foto: Roland Zumbühl / CC BY-SA 3.0)