Tamangur è il guaud da schembers il pli aut da l'Europa, cun plantas da fin 700 onns. El è situà a 2100-2300 m en la Val S-charl sin il territori da la vischnanca da Scuol. Il guaud è vegnì declerà dal chantun Grischun sco «Reservat da God Tamangur» e mess sut protecziun il 2007. Quest guaud è daventà in simbol per la Rumantschia dapi che Peider Lansel ha cumpareglià en sia poesia «Tamangur» (1923) la sort da quel guaud (da quel temp en in stadi miserabel) cun il destin da la lingua rumantscha periclitada. [Tenor e-lir].