Grazia a la votaziun electronica, er numnada e-voting u vote électronique, vegnan ins a pudair sa participar en avegnir sur l'internet a las elecziuns ed a las votaziuns e na sto betg pli ir persunalmain a l'urna. Questa nova pussaivladad per exercitar ils dretgs politics vegn extendida pass per pass dapi l'onn 2000. Sia introducziun è fitg pretensiusa, perquai ch'il sistem sto ademplir pretensiuns da segirezza extremamain autas. La Chanzlia federala e las chanzlias chantunalas persequiteschan il princip «Segirezza avant sveltezza» ed introducescha perquai pass per pass la votaziun electronica.