L'anteriura vischnanca Stussavgia cumpigliava il vitget Stussavgia-Plaz sco center (1350 m) e plirs aclauns e bains isolads en la part dadens e d'amez da la val. Sco part dal contadi da Schons è vegnida cultivada la Stussavgia oriundamain da Rumantschs da la Mantogna, dal Schons e dal Valragn. La colonisaziun tras Gualsers, derivants oravant tut dal Valragn, ha probablamain gì lieu tranter il 1300 ed il 1310 sin iniziativa dals baruns de Vaz. Colliaziuns cun l'exteriur existivan surtut sur il Tavellas (Tusaun) e sur il Piz Calandari (Valragn). Dapi il 2013 fa Stussavgia part da la vischnanca Val Stussavgia. [Tenor e-lir].

(Foto: Adrian Michael / CC BY-SA 3.0)