L'anteriura vischnanca da Riom-Parsonz è sortida il 1979 da la fusiun da las anteriuras vischnancas politicas da Riom e Parsonz. A Riom han exchavaziuns purtà a la glisch numerusas restanzas d'edifizis romans. En il temp autmedieval han ils administraturs roials construì il chastè da Raetia Ampla, pli tard sedia da l'erox da la Chalavaina, Benedetg Fontana (oz teater Origen). A Parsonz existiva pli baud il chastè da Rauschenberg. Da quest implant, attestà anc il 1617, n'èn avant maun oz pli nagins fastizs. Dapi il 2016 fa Riom-Parsonz part da la vischnanca da vallada Surses. [Tenor e-lir].

(Foto: Adrian Michael / CC BY-SA 3.0)