A Friburg pon ins studegiar «Linguatg e litteratura rumantscha» sco rom principal. Cumpigliads en il studi èn: la linguistica, il svilup dal rumantsch e la belletristica dal 19avel tschientaner fin oz. «Scienza da litteratura e linguistica rumantscha» pon ins studegiar a Turitg sco rom secundar. Las tematicas centralas dal studi da la litteratura rumantscha èn: litteratura ed ideologia dal «moviment rumantsch», tradiziun e modernisaziun litterara en il context europeic, litteratura e plurilinguissem, canon e cunterdiscurs en in context minoritar. Ulteriuras purschidas rumantschas datti a l'Universitad da Genevra.

(Foto: Sebastian Bernhard / pixelio)