L’uniun «Nova Societad Helvetica – Scuntrada Svizra» vul rinforzar la coesiun naziunala, promovend l’encletga vicendaivla e formulond finamiras che favuriseschian l’identitad e gidian a schliar problems relevants da la Svizra. La NSH-SS emprova d’agir en duas direcziuns: Ella promova il dialog tranter ils differents secturs demografics da la Svizra. Plinavant fa ella part da las discussiuns davart las sfidas e dumondas che dattan da pensar al pajais ed a la glieud, saja quai sin stgalim intern u areguard la posiziun e responsabladad internaziunala da la Svizra.