|
«Suenter che la scienza e tut ils sociologs han prognostitgà per l’avegnir in augment rasant da las persunas en la vegliadetgna da pensiun, hai jau cumenzà a m’interessar – cunquai che jau fatsch mez part da questa gruppa – per questa spezia d’uman... » Uschia descriva l’autur dal comic «Herbi e Fred», Peter Haas, sia motivaziun per deditgar in ovra plain caricaturas als pensiunads ed a las pensiunadas. Ils dus protagonists scuvran da tuttas sorts purschidas per seniors, sco academias, novas sfidas da lavur, gimnastica u curs da ballar ch’èn ina chava d’aur per il griffel dal caricaturist. |
